Քաղտէացիներու Պատրիարքին նամակը ՄԱԿի Քարտուղար` Պան Քի Մունի`
ՄԱԿ-ը հանդիսատես
թող չմնայ Քրիստոնեաներու դէմ գործուած ոճրագործութեան
Հինգշաբթի, 24 յուլիսին, Քաղտէացիներու Պատրիարք` գերերջանիկ Լուիս Սաքօ, ՄԱԿ-ի քարտուղար
Պան Քի Մունի հասցէին յղած է յուզիչ նամակ մը, որուն մէջ կը նկարագրէ քրիստոնեաներու
ողբերգական իրավիճակը` Իրաքի մէջ, Սիւննիներու եւ Շիիներու միջեւ հակադարձութիւններու
հետեւանքով։ Պատրիարքը Միջազգային Կազմակերպութենէն բարձր ձայնով կը խնդրէ վերջ դնել
արեան հոսանքին։՝՝Իրաքի քաղաքական անկայունութիւնը կը սպառնայ բոլոր Միջին Արեւելքի տարածաշրջանին՝՝ գրած է Սաքօ Պատրիարքը, աւելցնելով, թէ ''կացութիւնը մտահոգիչ է քրիստոնեաներու եւ փոքրամասնութիւններու դէմ գործուած յառաճուն յարձակումներու պատճառով'' ։
Քաղտէացիներու Պատրիարքը նամակին մէջ շեշտած է, թէ Միջազգային կազմակերպութիւնը չի կրնար հանդիսատես մնալ եւ վկայ հանդիսանալ Քրիստոնեաներու դէմ գործուած հալածանքներուն ։Ան ապա նամակը եզրափակելով խնդրած է Մակ-էն, զարգացնել ռազմավարական յայտագիր մը պահպանելու համար քրիստոնեայ ժառանգը որոնք թիրախ դարձած են Իրաքի մէջ ծայրայեղական իսլամական խմբակներու կողմէ՝ հրթիռակոծլեովեկեղեցիները եւ քանդելով հնամեայ վանքերը, որոնց վերակառուցումը դժուար պիտի ըլլայ։
| All the contents on this site are copyrighted ©. |